Gent ëd Piemont laudé ‘l Signor

Laudari cristian d’la Gèsia evangelica valdèisa ‘d Pedcaval (Bürsch)

Laude gavà da l’inari cristian evangelic, virà an Piemonteis da Camillo Brero, për ël servissi religios an lenga piemontèisa

Prèsentassion

Cost Laudari a l’ha sua cita stòria. Con tut che ‘l Concili Vatican 2 a l’abia duvert la gesia roman-a a le lenghe così dite “volgar”, a-è nen l’autorisassion ëd selebré la Mëssa an Piemonteis, che a l’è un “volgar” (dialet) dël latin, franch tant ‘me l’italian. Ant j’agn ’70, queicun ëd jë scritor piemontèis ëd la “Compania dij Brandé”, savend che fin dal 1834 ij Valdèis a l’avio “’L Testament Neuv” e ij Salm an “lingua piemonteisa”, a j’han dit: “Nòssa lenga a  l’è trop cita e pòvra për la gèisa sgnora ‘d Roma. E s’j’ andèisso a tambossé a la pòrta ‘d cola dij Barbèt?”. A l’è parèj che barba Ernesto Ayassot, pastòr ëd la comunità ‘d Biela e ‘d Pedcaval, a l’ha acetà la proposta e anandià ij servissi religios ecumènic and la “gèsia dij picapere”. Ma le làude a s’ero an italian… e antlora “l’anuond dij Brè” (Camillo Brero) a l’ha virane an piemontèis qualcun-a dl’Innario Cristiano, fasendje fin-a pi bele përché sensa gnun-a retorica e frissonante ‘d poesia genita. Piasuje l’ideja fin-a a j’amis libertari ‘d “Radio Monte Rubello – Tupamara” ch’a l’han stampane la prima edisson. N’inissiativa ecumènica dabon: ‘d làude evangéliche, virà an piemontèis da ‘n poeta catòlich, stampà da j’anàrchic për la gèsia valdèisa ‘d Pedcaval! Sta nossa seconda edission a veul guerné tut col ëspirit ëd fradlansa e ‘d liberassion. I sagoma che “dì ‘l ben” an piemontèis a l’è për gnente na separassion, na blaga; ma marché ch’a l’è bel parlè al Pare ant la lenga dla famija, dël travaj, dl’amicissia; e ch’a l’è giust nen fé ‘d classifiche tra ‘d pòpoj, colturee lenghe. “Përché Nosgnor a l’ha sernù coj che, ant ël mond, a l’han pa d’amportansa, a son dësprëssià e considerà tant’me s’a-i fusso gnanca...” (1 Co. 1:28).

Pedcaval 1995

  1. Ël giurament ëd Sibaud
  2. La toa Paròla, Gesù
  3. L'astr, le stèile, 'l sol
  4. A sosta ‘d Toe man sante
  5. Lauda a nostr gran Signor
  6. Sia glòria
  7. La pàsia pastura dël cel
  8. Gent ëd Piemont laudé ‘l Signor
  9. Tò Spirit che a vivìfica
  10. Quand che 'l dolor crasa l'anima mia
  11. Pare sant
  12. Mach Gesù dla Soa Cesa…
  13. Dësvia argioissansa
 

14. Ël pecà a pèisa sl’anima mia

 

15. Gloria

 

16. Sia gloria

 

17. Sia gloria al Pare

Le partiture musicali nwc presenti in questo sito, possono essere visualizzate scaricando il plug-in gratuito NoteWorthy, oppure con il software NoteWorthy (in prova).

Version mach con paròle [MsWord], [pdf]

Versione testi e spartiti A5 in formato MSPublisher XP (331.50 KB).